政壇：政商定格：王健林豪買007遊艇
王健林喺《福布斯》中國富豪榜上排名第二。（資料圖片）
舊年九月大連萬達以「蛇吞象」嘅形式，用二十六億美元（約202.8億港元）收購咗美國嘅AMC連鎖影院後，聽講萬達集團又睇中富豪最愛豪華遊艇品牌之一嘅Sunseeker，將會動用三億英鎊（約36億港元）買起呢個品牌同名嘅生產商英國豪華遊艇製造公司Sunseeker，聽講最快喺月底前就會完成交易添！
王健林喺《福布斯》中國富豪榜上排名第二。（資料圖片）
Sunseeker有幾巴閉？占士邦電影入面嘅遊艇都係由Sunseeker製造，就連法國足球明星迪西里同一級方程式嘅佐頓車隊老闆佐頓都係佢嘅fans，連萬達主席王健林都唔例外，佢喺一○年嗰時已經買咗007電影《皇家賭場》入面出現過嗰架Sunseeker Predator 108特別版遊艇o架啦！據聞佢仲擁有私人飛機Gulfstream添！王健林表示仲計劃喺倫敦投資豪華酒店，兩個項目投資額加埋高達十億英鎊（約120億港元）！佢喺《福布斯》今年嘅中國富豪榜上排名第二，身家有成八十六億美元（約670.8億港元），想買乜嘢玩具都得啦！
