政壇：政商定格：陳鄭玉而為單親家庭加油
陳鄭玉而（中）增設單親家庭服務，總理王傲山（左）同副主席史顏景蓮（右）覺得好有意義。
單親家庭個案近十年激增三成三，當中唔少都拒絕接受輔導，好易走上絕路。仁愛堂日前舉行就職後首個活動，新任主席Connie陳鄭玉而急不及待宣布連串大計，重點係增設「陽光加油站」計劃，一站式支援單親家庭。曾經係單親媽媽嘅Connie明白單親家庭最需要嘅係自強，期待計劃能夠助佢哋走出陰霾。
陳鄭玉而（中）增設單親家庭服務，總理王傲山（左）同副主席史顏景蓮（右）覺得好有意義。
舊年成功帶領學生挑戰珠穆朗瑪峰嘅副主席陳婉珊，下月再接再厲帶二十名學生到東非肯尼亞睇動物大遷徙，並探訪原始部落家庭。由於今次近距離接觸當地兒童，好可能會感染到傳染病，佢早前連續打咗四支預防針，稍後仲要食預防痢疾藥物。今屆「升呢」做副主席嘅羅台秦亦資助望遠鏡畀出訪學生，等佢哋可以高清觀賞動物。
