尋晚李衞深夜潛入貪曾屋企，竟然見到佢同貪湯兩條友好鬼祟咁「摸酒杯底」！得睹此景，李衞梗係打蛇隨棍上，偷聽下佢哋講乜啦。點知萬變不離共「貪」！

貪曾：（拎紅酒，感可惜狀）我都諗唔到條咁醒嘅橋添！蝕晒喇！

貪湯：橋？咩橋呀？黑橋牌豬肉乾？好好食o架！

貪曾：早知我坐正嗰陣，都去讀law啦，人哋拎百六萬啫，我有四百萬o架！你話係咪蝕桌？

貪湯：（得戚狀）咁你就蠢喇，我一早「物盡其用」，返工嗰陣，連櫃桶都拎埋嚟放酒呀！

貪曾：（拎律師帽笠頭，轉悲為樂）唔緊要，我一早儲定幾頂帽，戴頂約人食飯，我再次身驕肉貴，話唔定又唔使找數！

貪湯：律師帽換飯食，你好嘢！

第一手消息請下載on.cc東方互動iPhone/iPad/Android/Windows Phone Apps