政壇：政商定格：青聯拉大隊廣西撐環保
霍啟剛（左三）等人既戴草帽又擔遮，十分趣怪。（受訪者提供）
香港青年聯會上月底拉大隊到廣西嘅南寧同欽州考察三日，團員包括主席葉振都、常務副主席霍啟剛、副主席Monin黃夢瑩等近五十人。
霍啟剛（左三）等人既戴草帽又擔遮，十分趣怪。（受訪者提供）
Monin話廣西係廣東水源嘅上游，但鄉村垃圾經常隨處擺放任由腐爛，長期污染土地同水源，所以此行佢哋趁機同啲小學生到鄉郊掃地、執垃圾，齊齊響應「美麗廣西」嘅口號，算係為包括香港在內嘅下游居民飲水安全出一分力。當日艷陽高照時，個個戴住草帽避暑，又戴住紅色領巾扮環保小先鋒，但眨吓眼又有驟雨，時雨時晴幾個回合，搞到眾人勁狼狽。佢又話此行最大驚喜係發現廣西盛產肥美嘅鮮蠔，當地仲有個「蠔情節」，大家盡情享受食法百變嘅當造肥蠔，大飽口福。
