政壇：政商定格：合興網上外賣瞄準御宅族
洪明基（右）指餐飲外賣營業額有望上升。
「御宅族」之風大盛，搞到一街都係宅男宅女，做零售嘅真係好攞命。喺內地華北地區經營「吉野家」同雪糕品牌「冰雪皇后」嘅合興集團，就睇中宅男宅女都要食飯嘅需要，部署外賣網上電子平台。
洪明基（右）指餐飲外賣營業額有望上升。
合興行政總裁洪明基做過研究，內地外賣需求龐大，除咗部分年輕人少咗出街，內地經常塞車外出用膳亦令唔少人卻步；其實公司依家都有提供電話外賣服務o架，但有啲顧客連打電話都嫌煩，所以計劃下半年推出外賣電子平台，全自動幫客人落單。首先會有網頁版，遲啲諗吓出apps。現時外賣佔生意額約一成半，以去年營業額計算，即大約二千九百萬元。
公司會考慮自家發展同埋收購其他餐飲品牌，條件當然係要夠好食同埋有增長潛力啦！
