SUN搞作：Sun官場現形記：堆填區尋寶
李衞尋日經過「垃圾之城」，撞到局長星仔喺堆填區摷垃圾，即刻埋身同佢做咗個訪問，換嚟嘅係「一打」無奈……
李衞：星仔，身水身汗，喺度搵乜呢？
星仔：我尋緊寶呀！
李衞：有咩寶物令到你狗衝？難道係呢區「享負盛名」嘅爛果？
星仔：我搵緊魚骨、蝦殼同蟹蓋做標本。
李衞：海下面好多生勾勾嘅魚，有啲仲要係稀有品種添，你唔去研究，反而嚟呢度摷骨？
星仔：物盡其用吖嘛，廿一世紀強調「Recycle」呀！幾千年後呢啲魚骨一定成為好重要嘅研究對象！
李衞：咩都畀你講晒啦！
星仔：你唔好睇啲嘢係死，其實係生嘅！死物有時仲有用過生物，所以我咪打算擴建堆填區囉！
李衞：figi$)$#^**)gfh)!
作者：李衞
