政壇：政商定格：豹紋鯊錫EQ當佢係媽媽
豹紋鯊主動游上前親親葛珮帆，但其他魚類就唔多騷佢喇。
後日就係一年一度嘅世界海洋日，對海洋生物情有獨鍾嘅立法會議員EQ葛珮帆，日前就特登去海洋公園水族館潛水睇鯊魚，兼順手宣揚保護瀕危海洋生物訊息。當EQ潛落水底準備同隔住塊玻璃嘅遊客打招呼時，有一條身形同佢差唔多大小嘅豹紋鯊突然游近，仲好親切咁用鼻觸碰佢臉龐，遠睇就好似錫咗佢一啖咁。
豹紋鯊主動游上前親親葛珮帆，但其他魚類就唔多騷佢喇。
豹紋鯊親親EQ後，仍然唔捨得離開，二十幾分鐘內全程黐到佢實一實，好似當正佢係鯊魚媽媽咁。
EQ話已有心理準備會被環保組織批評，鬧佢去海洋公園潛水等同縱容園方將魚類困喺籠內畀人欣賞，但就話希望大家將重點集中於宣揚保護海洋生物，事關唔少海洋生物因為遭受人類大肆殺戮而面臨絕種危機，包括錘頭鯊、角鵬、藍鰭吞拿魚同酒樓常見嘅蘇眉等。
