政壇：白鴒反填海 似收集私穩
設計圖片及對白
政府正諮詢優化土地供應策略，喺眾多計劃入面，其中之一就係填海。馬料水填海關注組近日再就政府嘅填海建議發信，信件上款寫上土木工程拓展署署長韓志強嘅辦事處地址，內容列出反填海嘅四大原因，包括話政府嚴重誇大未來人口增長、政府有足夠閒置土地、填海所造成嘅環境破壞係不可逆轉，以及填海會嚴重破壞沙田現在風道及通風廊。之後就留空位置畀市民填寫姓名、聯絡電話、電郵同住址，填妥後就等於支持佢哋嘅一人一信反填海計劃，去信政府反映意見。
設計圖片及對白
馬料水填海關注組發起嘅「一人一信反填海」，原來市民填寫嘅個人資料有機會交畀白鴿黨使用。
不過，我哋發現喺信件底部，有一段每隻字細過兩毫米嘅個人資料聲明，話填咗資料就係同意白鴿黨同召集人游月華跟自己聯絡，包括收活動資訊同選舉、募捐呼籲。啲字咁細隻，一時睇唔清嘅話，咪反填海變咗做白鴿嘅朋友？唔通真係「魔鬼在細節」？究竟呢封信係反填海，定係畀白鴿收集資料呢？
關注組請願 劉慧卿接信
關注組召集人游月華話封信係平時喺巴士站派畀市民嘅，絕對唔係綑綁市民交資料。其實游月華早前已代表過白鴿黨出選鞍泰區補選，而之前關注組去立法會請願時，接信嗰位議員又係白鴿黨主席劉慧卿，所以又點會同白鴿冇關係吖。不過，既然關注組冇掛出白鴿黨嘅嘜頭，就算召集人係白鴿黨員，點解收集嘅資料要畀白鴿黨用呢？更何況特意用咁細隻字去避開法律責任，收集市民嘅資料作日後之用，似乎做法有點那過囉。
