政壇：政商定格：尹志田大讚低碳餐好味

尹生話呢個低碳午餐會食到舔舔脷，主菜係車厘茄蝦意粉，仲配以手拍黃瓜同甜品啤梨果凍。除多菜少肉外，查實低碳包括好多嘢o架，例如透過選擇本地食材，減少運輸、儲存需要；避免猛火或長時間煮食，採用涼拌等烹調方法，減少能源消耗及營養流失。平時食一份包括芝士漢堡包、汽水同薯條嘅快餐，會產生三點四千克二氧化碳排放，相比之下，今次呢份低碳午餐產生嘅二氧化碳排放量唔夠一千克。佢話公司鼓勵員工從「衣食住行」四方面實踐低碳生活。除咗低碳飲食，亦鼓勵員工回收舊衣同玻璃樽、以步行代乘車等等。