政壇:政商定格:高靜芝搶眼杧果裝會友
高靜芝(右)傾得興起,笑到見牙唔見眼。
日前一個下午喺中環歷山大廈一間高級餐廳,見到中央政策組顧問Sophia高靜芝同女友人摸住茶杯底密斟。當日氣溫高達三十二度,Sophia着住件鮮黃色西裝外套,猶如盛夏中剛摘下嘅杧果,夠晒搶眼,配埋一套珍珠頸鏈及耳環,感覺好清新。
高靜芝(右)傾得興起,笑到見牙唔見眼。
Sophia笑得好開懷,期間不時輕拍友人手臂,但不忘保持儀態。冇幾耐,另一位女友人姍姍來遲,佢即時起身俯前握手,並熱情招呼對方坐低。大約十五分鐘後,佢有事走先,留低兩友人繼續坐。
之後喺一個婦女活動遇到Sophia,離任婦女事務委員會主席已年多嘅佢,依然積極推動婦女工作。佢笑言公職比正職更繁重,但盡量堅持運動,閒時會去行山減壓。