政壇：孫德基雷添良廿載淵源
雷添良（左）同孫德基（右）相識二十載，同樣做過香港會計師公會會長。
香港華人會計師公會早前舉行一百周年慶典晚會，審計署署長孫德基同羅兵咸永道會計師事務所合夥人Tim雷添良都有捧場，原來佢哋好有淵源，二人先後做過香港會計師公會會長。
雷添良（左）同孫德基（右）相識二十載，同樣做過香港會計師公會會長。
孫德基話同Tim識咗最少二十年，對方早過自己做會計師公會會長，笑言自己當年上任前都有搵Tim取經。Tim之後補充，除咗會計師公會會長，佢哋兩個都做過科技大學校董會成員，話二人好有淵源喎！
會計界出身嘅發展局局長「波波」陳茂波當晚都有出席，曾力撐會長林智遠參選立法會會計界功能界別嘅佢話，返回會計界呢個大家庭感到好熟悉，又話雖然自己未做過華人會計師公會會長，但本身係該會榮譽顧問同會員，睇嚟無論係官場內外，佢同林智遠交情都不變。
