SUN搞作：sun官場現形記：溝女秘笈
最近圍繞愛情嘅話題好hit，李衞趁此同兩位「名人」做咗個訪問，點知啲回應笑大人個口呀！
李衞：你哋會點樣取悅女性？
熊仔：開心嗰陣，咪一擲千金囉。靚女笑一笑，我六千萬都肯畀呀！
貪湯：我唔會要我嘅女人使錢，仲會帶佢去旅行、食好嘢添。
李衞：同異性外出，有咩拍拖勝地介紹？
熊仔：要冧女，梗係要威，一於喺國金二期笨豬跳！
貪湯：（掩嘴笑）帶女友遊埠，又有外國使節接待、又有靚酒飲，女友每次都好開心。
李衞：你哋嘅提議唔係普通市民可以消費得起喎……
熊仔：做人最緊要夠搏，學吓自爆，話唔定有機會跳呢？
貪湯：（掩嘴笑）基層強調用少啲錢，我去旅行開公數嘅，一蚊都無出過，基層一定跟到啦！
李衞：toyiti%*^)*($*!
