政壇：EQ寫錯自己名網上瘀爆
作為民選代表嘅立法會議員同區議員，一舉手一投足都備受關注。有心水清嘅網民喺社交網站分享咗一張相，話發現「雙料議員」EQ葛珮帆，近日喺地區懸掛嘅宣傳橫額，竟然串錯咗自己個英文名「Elizabeth」，寫多咗個「i」字，變成「Eliizabeth」，嘲笑EQ仲自稱係博士喎，而呢張問題橫額已喺網上瘋傳。
EQ回應查詢時話，已從街坊口中得知橫額串錯名，並即時收回總共五十多幅橫額。佢承認今次純屬無心之失，但事實上係做得唔好，所以要對市民講聲唔好意思，所以希望大家見諒。佢仲話平時地區印製宣傳橫額或海報都會交由地區同事負責，佢亦好少親自覆檢，自今次事件後，佢會親力親為睇實，小心謹慎啲。
