由樂壇轉戰飲食業, Oscar繼續以平常心面對,只為盡力圓夢。

食店打烊後,蕭潤邦(Oscar)有時會走到旺角街頭閒逛,逾六呎高的身形,讓人難以忽視,途人或會想:「佢好熟口面,係邊個歌星呢?」然而,你認得或不認得,他都不在乎。「唔認得我唔緊要,我想啲人認得我啲包多啲!」當年他為夢想走進樂壇,雖然最終未有燦爛收成,但他無悔;今天他只想繼續搏盡,努力做好眼前的飲食事業。

由樂壇轉戰飲食業, Oscar繼續以平常心面對,只為盡力圓夢。

過去Oscar星途雖然未有光芒閃爍,但因為搏盡過,今天回看無怨無悔。

為了做出正宗美食,Oscar專程拜師學藝製作生煎包。

Oscar(箭嘴示)新店開張時,不少演藝好友抽空出席。

「正如做歌手唱歌,我係享受過程,都無諗過做最紅嗰個!如果真係咁唔好彩,呢盤生意最終都做唔住,我都只係輸咗畀個時勢環境,而唔係輸畀自己!」

前歌手Oscar從小喜歡音樂,為圓歌手夢,他參加歌唱比賽,在○四年與拍檔古馳組成二人男子組合Bliss,走上演藝之路。「原來想喺演藝圈成功,唔係你諗得咁簡單。」雖有滿腔熱誠,但他的星途始終未有光芒閃爍,歌手合約一簽就五年,他經歷過組合拆夥,再單飛出道。五年以來,唱片只出過兩隻,最霉時銀包只剩二十元。合約期滿,他作出抉擇,「唔通我再用多五年時間,去等一首爆紅到嘅歌?」歌手夢已圓,繼續唱下去也難突破,他離開樂壇。

他走到上海,做回老本行當模特兒,卻意外找到另一個夢想。當他在上海初嘗地道生煎包,他形容,那滋味簡直是顛覆他對生煎包的認知,他憶述時依然雙眼發光:「嘩!你咬開個包,啲湯流晒出嚟,又熱又多汁!」他對當地小食的鍾愛幾近瘋狂,日食三十個生煎包也不厭。

「將呢樣嘢帶返香港,一定掂呀!」Oscar將大計告知好友震宇,震宇聽罷竟馬上答應,兩人合資一百萬元創業。震宇負責籌備租舖事宜,而Oscar則設法將當地廚藝帶返香港,可惜見過幾十個師傅,都失望而回,「我哋想請師傅嚟香港,一係就驚我呃佢,一係就係佢呃我!」結果他跟一個退休點心師傅學習搓粉煎包。花了近三年時間準備和學藝,兩人終於在一○年底開食店,主打正宗上海生煎包。

他們先在旺角一個二百呎小店做起,Oscar每天屈在小小廚房內煎包,更要應付高昂的租金和食材成本。但他仍舊以平常心面對,只想對得起自己,因為搏盡也就無怨無悔,「正如做歌手唱歌,我係享受過程,都無諗過做最紅嗰個!如果真係咁唔好彩,呢盤生意最終都做唔住,我都只係輸咗畀個時勢環境,而唔係輸畀自己!」食店開業至今兩年多,生意愈做愈好,今年擴充營業,計劃年底開設新分店,推廣更多中國民間美食。

Oscar's profile

職銜:上海生煎皇董事

年齡:32歲

興趣:唱歌、烹飪

第一手消息請下載on.cc東方互動iPhone/iPad/Android/Windows Phone Apps