SUN搞作：Sun官場現形記：周身「騷」味
「飯民」議員早兩日落區，學貪湯「實地考察」，聽吓居民對新界東北發展計劃嘅意見。有話佢哋臨時有事，要腰斬行程，不過李衞收到風，查實佢?係因為羞家先走?……
袋巾梁︰你睇吓，我講幾句，即刻一呼百應！
飯國威︰係喎，有無咩心得可以教吓小弟？
袋巾梁︰其實唔難，咩都話政府諮詢唔夠、政府話咩你都話要撤回，咁就實無死！
飯國威︰但如果政府做足諮詢呢？
袋巾梁︰你咁唔醒目o架，到時只要質疑佢係假諮詢咪得囉！
飯國威︰哦，明白晒！
袋巾梁︰嘩，前面又有成班人，又抽水先！
飯國威︰咦，點解個個都掩住嗰鼻？
居 民︰梗係喇，你哋成身「羊肉」味！
飯國威︰我哋無食羊肉喎……
居 民︰日日搞埋呢啲大龍鳳，成陣「騷」味，過主啦！
作者：李衞
