政壇：政商定格：騎呢報生肖議員嘥公帑
張宇人尋日無端申報自己屬牛，話係辛苦命喎。（資料圖片）
立法會議員必須申報利益，不過，尋日立法會召開財務委員會時，啲議員竟然無喇喇申報自己嘅生肖，當然，呢個並非係議員責任啦。主持財會嘅張宇人尋日見議員熱烈議論同一個金錢利益嘅議題，好感慨兼無厘頭爆出一句：「我係牛年出世當然係辛苦命，不過你哋唔好搞到我更加辛苦。」
張宇人尋日無端申報自己屬牛，話係辛苦命喎。（資料圖片）
佢本嚟只係呻吓，點知其他議員夠晒認真，啱啱過完生日嘅蔣麗芸更一啲唔怕暴露年齡嘅秘密，大大聲跟上話自己屬羊，亦有議員加多把嘴，搞到議會中出現一幕前所未見嘅生肖申報，啲議員口痕兼無聊啫，唔怕被人抽秤浪費公帑咩？
