政壇：政商定格：鍾國斌緬甸開廠免地價
鍾國斌同唔少行家飛往緬甸做開荒牛。（資料圖片）
上世紀八十年代港商紛向內地拓展，今時今日，基地變咗緬甸等成本更平嘅地方。立法會紡織及製衣界議員鍾國斌（Felix）尋晚同五十個行家飛咗去緬甸，今日會同當地官員正式簽署合約，緬甸政府會撥出一千二百畝地，免費畀港商設廠，頭幾年仲要唔使繳交營運稅，今次一簽就簽咗三十年，港商可以安心發展。Felix話緬甸只係頭炮，嚟緊會陸續去東南亞唔同地方睇吓有無商機。
鍾國斌同唔少行家飛往緬甸做開荒牛。（資料圖片）
緬甸只係啱啱對外開放，人工同租金都處於極低水平，好似三十年前嘅廣東省，Felix話好彩今次業界自發到緬甸傾生意，趕及呢個黃金商機，如果下下等政府出手，分分鐘要幾年後至成事，屆時已經錯失良機。
