狂風暴雨，雷電交加，黑雲蔽天的香港，翳熱難消，幸好有件貌比中國最後一個皇帝溥儀的環境局局長黃錦星久不久出嚟曝吓光，講幾句有質素的人語，讓沉鬱的廢墟發放正能量，如風吹雨打雷劈後的小黃花，挺立淤泥糞土上，散播「人生有希望」的訊息。

黃錦星局長最近一劑叫人心花怒放的講話，比黃子華的棟篤笑更引人笑爆嘴，嗱！唔係個個人都識笑o架！因要有智慧才能領略佢「言中之意」。

身為環境局局長，黃錦星枱面貓紙所講的，當然係有關環保政策，但只要細心嗒真內容包含的「另類批判」，便知替局長做寫手的仁兄如何功力深厚，言微而意大……

在香港廢柴政府謊言橫行、誠信破產、用人唯親，兼醜聞百出的時刻，黃局長借講「環保政策」，提出對付「固體廢物」，應要「源頭減廢」，否則，多加幾多個「廢物堆填區」，也不能有效解決「大量垃圾」，或許，最後終極方案，就係「拿呢啲害人嘅垃圾去焚化爐」，一把火燒他媽的灰飛煙滅，哈哈！正唔正呀？

講到家陣「固體廢物管理」，有人提出「循環再用」，局長話「大量減廢背後，牽涉多項措施」，暗示要「零垃圾」是不可能的，故此，市民要「被迫繳費」，還要「按量收費」，即「社會（喻為政府）垃圾愈多，市民科水就愈多也！」嗱！堅唔堅呀！仲未算呀！最頂癮就係佢大叫有人搞個「惜食行動」，哦！「識飲識食」？佢暗寸貪曾？醉湯？

最後，疑似溥儀的黃局長會自嘲「轉廢為能」，與全體高官共勉！好笑吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps