SUN搞作:Sun官場現形記:失心.瘋官
心臟移植搞出大烏龍,換完先知唔啱血型,李衞睇見都頭擰擰。據官場流言,高醫生經此一役,痛定思痛,決定親自操刀,避免同類事件再發生,點知……
高醫生:今次再幫病人換心,絕對絕對唔可以再出錯!知無?
助手:係嘅Doctor Ko!但係今次個病人有啲棘手……
高醫生:又係血型問題?
助手:係呀,佢係「K型」o架!
高醫生:咁有挑戰性?
助手:仲有,搵唔到佢嘅腰骨同膊頭位,好難開刀!
高醫生:竟然有人可以縮骨到咁?
助手:佢個胃入面仲塞滿地溝油,臭到無倫!
高醫生:哇,乜食物都畀佢放入口,咩廢人嚟?
助手:講咁耐,我仲未搵到佢個良心呀!
高醫生:睇過……哦……喺度呀,太黑睇唔到啫!
助手:喂喂,條友醒喇!
周一鑊:咦,你幫我搵番我個心喇?好嘢,你睇吓我個心幾大個,絕對係「唔小心」呀!
高醫生:*#&(%*#&%!