政壇：政商定格：周松崗留學時打工有體會
周松崗笑談喺美國留學時做兼職嘅趣事。
港交所主席周松崗六十年代留學美國，有年佢去咗間汽車廠做，喺一條生產線上，佢嘅角色喺幫架車入六粒螺絲，由於生產線係流水作業，如果自己手腳慢，會影響其他工序。
周松崗笑談喺美國留學時做兼職嘅趣事。
工頭同佢講，做唔掂就撳嗰粒紅掣喇！佢記得有次真係做唔切，照工頭嘅話快快手撳緊急掣撳停咗成條生產線，點知呢頭撳完，嗰頭就有四名大漢衝埋嚟佢個位，其中一個係工頭，第二個係工頭嘅上司。佢當時畀工頭用粗口問候，工頭亦畀佢上司問候。另外兩個大漢係工會嘅人，問周松崗有冇事，需唔需要工會為佢爭取權益。此後，佢寧願入唔切啲螺絲都唔敢再掂個緊急掣咯。
