政壇：張華峰肥鴨look划浴缸
張華峰打算犧牲色相，扮肥鴨坐浴缸。
立法會金融服務界議員張華峰嘅體形夠晒噸位。唔好以為佢咁重分量就唔熟水性，佢自爆身形有先天優勢，唔識游水都識浮。同僚林健鋒可能就係睇中佢呢點，話已幫佢報咗名參加國際龍舟邀請賽。
張華峰打算犧牲色相，扮肥鴨坐浴缸。
當大家都幫手諗吓張華峰喺隻龍舟度應該坐喺邊個位，至唔會增加龍舟嘅沉船危險，林健鋒就話當然唔係叫佢扒龍舟啦，而係參加龍舟賽其中一項「名人划浴缸比賽」。
張華峰仲透露，為咗食住鴨仔熱潮，打算比賽期間以「肥鴨」打扮亮相，希望以肥鴨配浴缸，贏取最佳打扮獎，又話今次贏唔贏到係其次，最緊要帶畀市民歡樂，犧牲色相都唔計較。
