政壇：趙式慶偕師傅弘揚洪拳
林鎮輝（左）、趙式慶師徒合作著書，以保存洪拳精髓。
華光船務趙世光同何琍琍嘅仔趙式慶愛中國武術，佢好感慨香港人近年愛打泰拳，反而國術就喺香港日漸式微。佢就聯同師傅林鎮輝寫咗一本洪拳入門嘅書，期望國術文化得以弘揚。
林鎮輝（左）、趙式慶師徒合作著書，以保存洪拳精髓。
有三百年歷史嘅洪拳，據講由福建少林傳至黃飛鴻，再由黃飛鴻授予綽號豬肉榮嘅徒弟林世榮，而趙式慶嘅師傅林鎮輝就係林世榮嘅後人。趙式慶話八年前因人類學碩士課程一個研究題目，喺朋友介紹之下認識林鎮輝師傅，大家一見如故從而建立師徒關係。有感於近三十年武術喺香港走向式微，於是佢就同師傅合作，以文字配合圖片嘅方式，將口傳身授嘅洪拳基礎同精髓都記錄喺書籍當中。
