有太陽就有好報 連環優惠咪走寶
太陽當空照，着數停不了。太一叮之前講過，《太陽報》為咗回饋讀者，禮物陸續有來，真係冇花冇假o架。嗱，講到做到，繼上周三隨報附送六元仙跡岩優惠券之後，跟住為讀者度身訂造嘅連環超值夏日優惠，更加適合一家大細歡聚一堂，消暑解熱。
賣過關子之後，係時候揭盅喇。首先，今日（五月二十二日）隨報附送北角海逸酒店午市自助餐八折優惠券，適用日期由即日起至六月十一日（逢周一至周三及周六，公眾假期除外），人人有份，永不落空。當然喇，優惠當前，勢必搶手，大家最緊要行快步買份《太陽報》，以免向隅吖。
講到消暑，接住落嚟嘅大禮一定啱晒各位。五月二十九日（星期三），隨報附送海天堂十五元優惠券，適用日期由即日起至六月四日。炎炎夏日，冇嘢好得過消暑妙品，你又點可以錯過吖。
話明禮物陸續有來，當然唔只咁多，不過今次係咁先，其他優惠留待下次再講。太一叮依家想同大家介紹隨《太陽報》附送嘅《好報》改版大計，簡單講，夏日到喇，本周五起《好報》將以全新面貌同讀者見面，務求帶畀大家一股清新脫俗嘅涼風，陪大家度過呢個漫長嘅夏天，值得期待o架。
改版後嘅《好報》，無論內容、美術或版面編排都有與眾不同嘅風格，必定令讀者耳目一新。呢嗱，如果你想知道荷里活名人紅星嘅生活品味，咁就唔好錯過新增嘅「好鬼歎」喇。好多人以為住豪宅、揸靚車、食得招積、着得舒適，就係名人明星嘅生活方式，其實呢啲只不過係基本嘢嘅咋，今時今日講Taste，無論吃喝玩樂，衣食住行，都講求個人品味，荷里活名人紅星嘅生活品味係點，睇《好報》咪知咯。
除咗「好鬼歎」，新增嘅「好陽光」及「好分享」，分別為讀者介紹索女靚模及名人珍藏，包你大開眼界。即係咁，夏日係索女靚模展示驕人身材嘅好時機，「好陽光」由一班新面孔水着模特兒輪流晒身材，散發青春陽光氣息，眼睛吃冰淇淋，零舍醒神o架。至於「好分享」更加不得了，每期都有名人心水推介，從鑽石首飾、潮流物品、別致擺設，到名酒佳釀甚至家中珍藏，包羅萬有，唔睇絕對係你嘅損失。
正所謂，雙劍合璧，誰與爭鋒。《太陽報》精益求精，《好報》好上加好，買一送一，雙重享受，點只超值咁簡單吖。一句到尾，有太陽就有好報，優惠源源不絕，禮物陸續有來，驚喜不斷送上，千祈唔好走寶。太一叮喺度再次講聲，多謝各位捧場！
