SUN搞作：Sun官場現形記：貪湯「笑博餅」
貪湯
李衞尋晚出街食飯，遇到被全城怒轟嘅貪湯。貪湯睇起上嚟好輕鬆不特止，仲笑意盈盈添。完全唔似大禍臨頭喎！有見及此，李衞特登行過去打招呼……
貪湯
李衞：山水有相逢！係咪出街食飯呀？
貪湯：退咗休之後，我過住一啲好儉樸嘅生活。因為最近多事，我出嚟放鬆吓，做吓「笑笑操」。
李衞：「笑笑操」？
貪湯：每日笑一笑，世界更美妙嘛！我想帶快樂畀市民呀！
李衞：呢招係咪慧鯨子「帶膠鴨入立會」嘅變奏版？（一督）咦……你手上面嗰盒係咩嚟o架，咁似曲奇餅嘅？
貪湯：（尷尬偷笑）哎……呀，啱啱有位市民經過，我見佢拎住盒好香嘅餅，咪過去問佢可唔可以試食囉。之……之後佢就送咗盒餅畀我喇！
李衞：呵呵，即係你今晚出嚟係為搵食，賣笑係煙幕嚟嘅！
貪湯：說話唔好咁講，我有付出o架！我費盡全力，燦爛咁笑先有餅食o架，你睇吓，我塊面啲肌肉繃緊晒喇！
李衞：fggd#@^(&*(^%
作者：李衞
