政壇:政商定格:港交所密謀培育女CEO
李小加(左)話希望會有港交所女CEO。右為梁高美懿。
正所謂巾幗不讓鬚眉,做咗港交所董事嘅恒生銀行前女大班梁高美懿可算是當中的佼佼者,佢除咗以身作則之外,仲坐言起行,推動成立鼓勵女性參與領導工作角色嘅女菁匯。
李小加(左)話希望會有港交所女CEO。右為梁高美懿。
久未露面嘅梁太尋日以一個新look出現,留長咗少少嘅頭髮,佢話以前太過忙,無乜時間打理,所以用最方便清爽嘅打扮。講起呢個女菁匯就巴閉喇,係由港交所僱員發起嘅,唔單止係呼籲專業女性重返職場,仲要入埋企業嘅決策層面。
梁太仲笑言話女菁匯唔係為咗佢而成立,喺舊年第四季,港交所推出關於推動女性加入董事局諮詢文件時已密謀成立女菁匯,話要帶頭做起。
對住成場八、九成女性,行政總裁李小加就好風騷滿場飛,仲笑住話希望假以時日,會有女性做港交所CEO添,話好歡迎有能力嘅女性。