政壇：政商定格：名媛行善力撐心蓮心
印度裔名媛Purviz Shroff（左二）力撐「心蓮心」，創辦人何彭慧嫻（右一）同Mahnaz Lee（左一）大表感激，右二為Rina Wadhwani。
由城中名太組成嘅慈善團體「心蓮心」尋日舉行慈善午宴，Adler珠寶董事總經理Patti何彭慧嫻喺午宴展出數百件珠寶，名太買幾多，佢就捐出盈利嘅百分之十畀「心蓮心」。籌得嘅善款將為單親或離婚婦女提供英文、陪月或刺繡課程，助佢哋自力更生。佢慨嘆話香港表面富庶，但唔少婦女一旦失婚，生活便捉襟見肘，又話曾遇過一個離婚婦女，不單要獨力撫養兒子，還不時遭前夫騷擾，報警投訴前妻只顧工作，疏忽照顧兒子，認真淒涼，所以佢幫婦女絕對義不容辭。
印度裔名媛Purviz Shroff（左二）力撐「心蓮心」，創辦人何彭慧嫻（右一）同Mahnaz Lee（左一）大表感激，右二為Rina Wadhwani。
印度裔名媛Purviz Shroff一到場，二話不說捐出五十萬元。李錦記新抱Mahnaz Lee亦身體力行行善，不時走去葵涌、黃大仙區探訪，雖然小時候留學美國，但佢居港逾三十年，早已視香港為家。
