SUN搞作：Sun官場現形記：家賊竊夾萬？
財爺鬍鬚曾
財爺鬍鬚曾喺網誌上面話，政府雖然有七千幾億儲備，但就形容自己只不過係「失匙夾萬」，想拎錢用要問過「鎖匙人」，即係一班立法會議員，長毛一見到即刻嬲到同鬍鬚曾嚟場筆戰……
財爺鬍鬚曾
長毛︰你咪再亂講，如果我係鎖匙人，仲使乜拉布？
鬍鬚曾︰咁鎖匙唔係得你一把，要集齊好多把先可以開到！
長毛︰嘩，仲難過要集齊七粒龍珠許願喇！
鬍鬚曾︰無計喇！呢個夾萬要講安全！
長毛︰你唔好再狡辯喇，就我所知已經有個人可以隨時開夾萬使錢！
鬍鬚曾︰無可能，你講嚟聽吓係邊位？
長毛︰貪湯囉，任用公帑豪飲豪食，仲可以買餅送禮，唔通佢個把係百合匙，夾萬個鎖一開就開到？
鬍鬚曾︰咁係因為……
長毛︰又話個夾萬好安全……算罷喇，你咪做財爺喇！
鬍鬚曾︰咁可以做咩呢？
長毛︰講就兇狠，做就無能，鍵盤戰士仲唔啱晒你做？
鬍鬚曾︰@@##$$%%^^&^&
作者：李衞
