政壇：政商定格：皮草太子爺極速「叉電」
王大業（右）左手插袋，右手揸煙，擺晒甫士咁吸煙。
早幾日喺中環見到「皮草太子爺」Andy王大業，揸住心愛嘅豪華跑車，載住一位男友穿梭鬧市。期間二人忽然煙癮大發，於是將跑車停喺ifc商場附近嘅非泊車位，企埋一邊取出香煙，Andy點着支煙後，大啖大啖咁吸，左手就插住褲袋保持「chok」樣，期間同老友有講有笑。三分鐘極速「叉電」後，Andy望勻周圍都冇煙灰缸，索性將煙頭拋到地上，再熟練地用腳踩熄。
王大業（右）左手插袋，右手揸煙，擺晒甫士咁吸煙。
由於佢哋身處嘅位置唔可以泊車，當時已經有商場保安走近勸喻離開，Andy隨即同老友飛快登上跑車，拿拿聲走人。據聞當晚Andy係獲邀出席一個晚會，唔知係咪怕到時冇機會「打邊爐」，所以趁入場之前「叉電」呢？
