政壇：搞搞政：嫻姐踢爆譚志源造假

現場所見，嫻姐怒氣沖沖走入會議廳，炮轟譚志源造假，話地區人士對今次區議會新增議席有好大意見，認為喺啟德舊機場嗰三百公頃土地，唔應該撥歸九龍城區議會，應該留番畀黃大仙區議會至啱，可惜譚志源好似借咗聾耳陳隻耳咁，完全當聽唔到地區人士意見。嫻姐即場拆穿佢想借區議會過橋後，在場議員都O晒嘴。

譚志源被踢爆後都知衰，唔敢再死撐，惟有面懵懵話返去再睇睇當日班區議會主席講咗啲乜，嫻姐見佢肯認衰，都收手冇再插佢。不過，相信今次譚志源薑葱煀「李（李德康）」事件只係冰山一角，冇人幫手喺立會出頭嘅主席大有人在。