身為市區重建局主席及行政會議成員的張震遠，因經營不善，由他擔任主席兼大股東的「香港商品交易所」突然公布暫停營業。張震遠向記者承認有負債，但不肯交代其財政狀況，而香港法律規定：行會成員及市建局主席若一旦破產，係有需要撤職的，這為免易被人威脅，做禍港的壞事，尤其是《市區重建局條例》，有寫明若董事會成員已破產或已與其債權人作出任何債務償還安排，特首可取消其委任的！

講起張震遠同市建局的事，讓我記起一樁舊事：二○○七年十月，我在一份現已結業的《快週刊》寫時評。有日，那剛上任不久的市建局主席張震遠，不理波鞋街商戶和業主戮力反對下，在記者會上振振有詞豪言道：「呢個重建項目，就算蝕十億、一百億，蝕都要做（大意如此）。」吓！蝕我哋香港人的錢嗰喎！於是，我寫了篇劣文，敦請廉政公署留意及查究，為何有人蝕我哋啲巨大公帑，都要去做呢？

點知，見刊當日上午，有位自稱係乜乜張主席的公關小姐打電話給我，話張主席想邀我食餐飯，吓！我最憎呢啲茅台式拉關係手段，遂理直氣壯的回應：「我同張主席三唔識七，做乜要我同佢食飯呀？請代我話畀佢知，佢唔好為自己利益而亂用我哋嘅公帑！同埋，以後唔好搵我飲飲食食，因係一種侮辱！」

張震遠日前向記者說，不是他要求連任（市建局），係政府需要佢。佢又話佢沒有私人利益的，人工是零，車馬費一年十萬，他一年花在市建局的錢不止十萬。好！真係蝕都要做？為乜呢？真不善經營喎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps