政壇：政商定格：姚君偉變招拓中價市場
姚君偉（右）話公司將走中價貨市場，同胞妹姚秀慧（左）拍住上。
自從內地經濟增長放緩，加上中央嚴打貪腐，香港唔少高價貨品生意都大受影響。以售賣二手高級名牌袋起家嘅米蘭站，都要諗計仔迎合消費者口味。
姚君偉（右）話公司將走中價貨市場，同胞妹姚秀慧（左）拍住上。
日前遇到米蘭站執行董事兼董事總經理Gary姚君偉同少有露面嘅胞妹Cherie姚秀慧齊現身一個公開場合，Cherie都係公司董事之一，但主要管理內地業務，所以較少留喺香港。
Gary坦言，奢侈品銷情的確有下跌，舊年公司由盈轉虧，蝕咗一千三百幾萬元。佢直言今年五一嘅銷情明顯轉弱，為刺激生意額，公司現正致力開拓中價市場。佢早前就親身飛往意大利，搜羅幾個中價手袋品牌引進本港，價錢定位由三千至五千元左右，期望能田以價廉物美嘅優點吸客。
