政壇：搞搞政：法欽法師話貪要付代價
設計圖片及對白
聞名國際嘅高僧一行禪師，上周率九十人龐大僧團，來港展開為期兩星期嘅一系列「正念修習」活動，希望港人放低執念，活在當下。追隨禪師近三十年嘅香港梅村負責人法欽法師話，香港人壓力好大，全因唔識畀心靈休息，畢生追求名利，但至死都唔知快樂為何物。
設計圖片及對白
法欽法師認為，貪污嘅人其實都係瞓一張床、每日食三餐，同普通人無分別。
當佢聽聞本港政府接連出現貪腐醜聞後，就勸告所有畀貪念衝昏頭腦嘅人：「『貪』會為部分人帶來好處，但亦有代價。就算一個人幾有錢，都只係同普通人一樣，每晚瞓一張床、每日食三餐。我希望有貪念嘅人，不妨慢行靜思，諗清楚點樣先能令佢哋最快樂。」其實貪字得個貧早有古訓。法欽法師話貪要付出代價，會唔會令貪曾同貪湯有當頭棒喝嘅感覺？
來自越南嘅法欽法師來港七年，對於本港政治雖然唔太了解，但見到近年不斷出現大型示威、又發起「佔領中環」等對抗政府嘅行動，佢認為就正如仔女有時會反叛，都係因為覺得父母唔肯聽自己講嘢，示威亦係人民對政府不滿嘅象徵，只要當局願意為公眾提供發聲平台，示威人士理性冷靜表達訴求，心平氣和溝通就必可達成共識。
