政壇：黃真真拍片助宣傳傑青
黃真真（右起）、陳兆焯同籌委會主席黃穎文分享拍片感受。
新一屆十大傑青選舉尋日接受提名，大會邀請咗傑青之一、靚女導演黃真真搞搞新意思，拉埋新進導演盧秋彭製作咗一套「默片」，由舞台演員泰臣反串歷屆女傑青張天愛、陳英凝同正生書院校長陳兆焯，訴說每位傑青嘅奮鬥故事，鼓勵大家主動提名身邊人參選。
黃真真（右起）、陳兆焯同籌委會主席黃穎文分享拍片感受。
前高官馬時亨擔任首席評審，當大會要求影大合照時，唯獨肥亨唔係好合作，不停左望右望，對住兩旁可愛嘅小朋友流晒口水。事後問佢係咪恨抱孫？佢笑笑口咁話：「係呀，人哋食橙鍾意食甜橙，我就鍾意食酸（孫）嘅！」但佢話暫時未有喜訊公布。
