政壇：區議員玩驚慄爭建街市
元朗區議員黃卓健拍恐怖片爭取起街市，可謂創意無限。
天水圍好猛鬼？元朗區議員黃卓健尋日喺社交網站上載咗一段長約三分鐘嘅恐怖片，不斷咁話天水圍好猛，猛得好嚇人。原來佢係講緊呢區物價猛咁加，加得太恐怖。所以政府一定要起番個食環署街市，平啲租，市民先可以買到平嘅食物。
元朗區議員黃卓健拍恐怖片爭取起街市，可謂創意無限。
黃卓健呢次仲搵埋地同計晒數，話可以喺天水圍南北中心，天壇路同天瑞路交界建街市，交通方便兼惠及六分一天水圍人口，而政府只需用六千萬元建街市，四千萬元營運就搞掂喇。咁啱一億元，咪即係只要區議會通過社區重點項目計劃就可以起到街市？其實呢個可以話係大部分選區位於天水圍嘅元朗區議員嘅願望，但據聞元朗區想起綜合服務大樓喎，結果相信今日元朗區議會舉行嘅特別會議自有分曉。
