「政府誠信」係乜嘢呢？點define「誠信」的定義呢？直接解說確有難度，用「反證法」便好易明白。古羅馬的歷史學家Tacitus說：「當一個政府失去公信力時，不管所說的，是真話或謊言；做的，是好事或壞事，一律會被看成說假話和做壞事。」

那個醉街縮頭龜、前廉政專員湯顯明被審計署指摘「大花筒」，酬酢開支帳目混亂，多番「虛報」及豪花公帑瘋狂外訪和送禮；查實，最賤格的，仲有在任時，涉嫌包庇和放生「貪曾」曾蔭權。佢種種嚴重破壞廉署名聲之惡行，真係做十世畜生，也不能彌補那所作的罪孽。

醉湯之卑劣，也不及香港政府的弱能，唔立刻「高調緝捕」佢不特止，竟成立一個廢到無人有的乜乜「調查委員會」，只去「檢討」箇中「制度」喎！喺咪想放生涉嫌貪腐的醉湯先？幸好，世界係有天理的，依家，律政司指夠料去郁佢，並由老廉親自調查，藉此清理門戶，挽回面子，重振威望。

有關醉湯「貪腐」的批評，大多指佢敗壞廉署的金漆招牌，並以茅台換政協的個人私利為主，但據前調查主任林卓廷透露，呢件醉湯的缺德和破壞，影響之深遠，仲有排不能復原。醉湯在任期間，唔知耍咗乜嘢手段，令廉署內最做得嘢嘅精英，尤以執行署的「七小福」七大高手，即使做了二十多年，亦頂唔順而相繼離職；下邊唔夠班的，連法庭也未上過一堂的，卻可連升三、四級，咁搞法，唔只查案水準大跌，實則，是廉署大崩壞。此情況，只有大陸啲貪官最高興吧！

香港窮得乜春都無矣！不過，還有匡扶公義之心，就算政府無誠信，我哋都撐下去的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

第一手消息請下載on.cc東方互動iPhone/iPad/Android/Windows Phone Apps