政壇：陳婉嫻抗癌路險割雙乳
陳婉嫻憶述，當年患乳癌都有諗過切除雙乳，但醫生反對。
擁有魔鬼身材嘅荷里活女星安祖蓮娜祖莉（Angelina Jolie），為預防乳癌接受雙乳切除手術嘅消息曝光後引起全城關注。曾於○三年患有乳癌，切除左邊淋巴嘅立法會議員陳婉嫻憶述，當年佢都有諗過切晒兩邊乳房，但醫生笑佢話其實切晒兩邊乳房都冇得斷尾，一切同賀爾蒙有關喎！
陳婉嫻憶述，當年患乳癌都有諗過切除雙乳，但醫生反對。
雖然切除乳房做法對嫻姐冇用，但為免乳癌復發，佢自此努力防患未然，戒食雪烚膏、燕窩同雞肉等會影響賀爾蒙嘅食物，又會好好調理身體，盡量避免捱夜。
