政壇：愛港之聲批貪曾蹉跎歲月
高達斌批貪曾在任特首時只抱打工仔心態蹉跎歲月。
多個撐政府團體相繼冒起，其中成功跑出嘅愛港之聲召集人高達斌就自爆，其實早喺「貪曾」前特首曾蔭權爵士打算連任時，已有意組織團體撐政府，奈何貪曾太唔爭氣，不屑撐佢。
高達斌批貪曾在任特首時只抱打工仔心態蹉跎歲月。
佢透露，原本以為貪曾繼任兩年只係做「看門口」角色，估唔到貪曾會成功連任，佢亦睇唔過眼政務官（AO）出身嘅貪曾只係抱住「少做少錯，唔做唔錯」嘅打工仔心態蹉跎歲月，毫無政治遠景，所以佢寧願等多五年，到新特首上場先至大展拳腳撐政府。
