李樂詩(右)感激沈祖堯助佢達成設立氣候變化博物館願望。

中文大學尋日頒授榮譽院士畀全球首位涉足三極嘅香港女探險家李樂詩,校方喺典禮場刊撰文中封佢為「香港雪地女王」。李樂詩透露,近日為年底於中大開幕嘅氣候變化博物館,埋首整理過去逾十八次出征南北極嘅資料。佢笑言,一世人都冇休息過,希望退休後重拾畫筆。

李樂詩(右)感激沈祖堯助佢達成設立氣候變化博物館願望。

佢坦言,早於二十六年前已萌生設立極地博物館嘅念頭,連工廈、丁屋同學校等場地都搵過晒,可惜到處叩門都不獲支持。直至數年前佢獲邀出席中大講座,同當時仲係逸夫書院院長嘅中大校長沈祖堯首次碰面,佢鼓起勇氣向對方表達宏願,估唔到對方拍心口應承:「中大咁多地方,一定冇問題!」後來沈校長言出必行,佢由衷感激。

第一手消息請下載on.cc東方互動iPhone/iPad/Android/Windows Phone Apps