政壇：政商定格：李文俊兄弟五度拉頭馬
李文俊（中）同李文斌（左）講到賽馬就興奮，原來今年仲拉過五次頭馬添！
持有理文造紙、理文化工同理文手袋嘅李氏家族，做生意叻就係人都知，如果大家唔係馬迷，都未必知佢哋原來都好鍾情賽馬，而且喺選擇良駒有一手！
李文俊（中）同李文斌（左）講到賽馬就興奮，原來今年仲拉過五次頭馬添！
李氏家族三間公司尋日一齊開股東會，同理文造紙CEO李文俊（Raymond）同董事總經理Edmond李文斌傾傾偈，講完公司最近生意做成點這些正經事之後，跟住傾吓佢哋今年旗下嘅愛駒跑成點。
一講到賽馬，Edmond就好興奮，話今年佢哋已拉過五次頭馬，獎金加埋都有成幾百萬元，但七除八扣下，真正落袋都唔係好多，所以佢都話養馬係興趣，唔好諗住有得賺錢。雖然係咁，佢哋都繼續積極到英國、新西蘭、澳洲等地物色良駒，最近就用咗五十萬元喺新西蘭買咗匹良駒，希望可以喺香港跑一班賽。
