SUN搞作：Sun官場現形記：「水」造紙板人
立法會拉布戰爭鋸已久，李衞深入「嗰道門」，諗住帶多啲「第一手消息」畀大家，點知聽嚟聽去嘅嘢都係圍繞一個字……
鬍鬚曾：各位議員要明白，我哋無水派糖呀！
長毛：無錢派糖，咁你嘅舊同僚又有錢開單請大陸官食飯、去餅店買餅？
鬍鬚曾：我哋真係好緊絀o架，就好似我前排去鵝頸橋底洗地，都要慳住啲「水」嚟用。
大舊：你扯到無雷公咁遠，睇嚟「拉布」嗰個係你喎！
鬍鬚曾：從我嘅日常生活，都只不過係歎咖啡、睇電影，你就知我哋唔夠「水」用！
長毛：但係事實上你年薪過百萬喎。
大舊：係咪學你舊老細，起咗個「私人庫房」，儲錢食飯咋？
鬍鬚曾：哎呀！唔講住啦，我要行開一陣。
長毛：依家仲開緊會喎！
鬍鬚曾：我個「私人庫房」就爆，急住去廁所「放水」，費事畀你哋有位入！
大舊：唔怪得你畀人話「紙板人」啦，乜嘢都水前水後！
作者：李衞
