Mahnaz Lee(中)難得與好姊妹敍舊,愈傾愈興奮,更拎份禮物出嚟送畀對方。

李錦記新抱Mahnaz Lee熱心公益之餘,經常都要掛住送驚喜畀老公。上星期五中午一點喺中環ifc見到Mahnaz行入一間咖啡專門店,精挑細選後,終於買咗一袋戰利品。莫非買咖啡賀母親節?

Mahnaz Lee(中)難得與好姊妹敍舊,愈傾愈興奮,更拎份禮物出嚟送畀對方。

原來佢份禮物係送畀老公李惠雄至真。買到心頭好之後,佢興高采烈行入三樓一間意大利餐廳,會合一班好姊妹歎西餐,佢全程有講有笑,傾到興起時,開心到拎部手機出嚟與朋友自拍一番。餐飯一食就三粒鐘,一班好朋友講乜咁開心呢?原來Mahnaz嚟緊十一月將為佢創立嘅慈善團體「心蓮心」搞周年慈善晚宴,今次係為單親婦女籌款,協助佢哋自力更生。由於大騷當前,Mahnaz暑假都唔打算去旅行,一於瞓身投入活動,希望好友多多支持佢喎。

第一手消息請下載on.cc東方互動iPhone/iPad/Android/Windows Phone Apps