利子厚熱愛運動,所以身形長期都咁瘦削。

熱愛運動嘅馬會大董Michael利子厚早前相約一班朋友,首次遠赴斯里蘭卡遠足十天。佢大讚當地風光秀麗,青山綠水,恍如世外桃源,令佢進入渾然忘我嘅境界,試過五日冇照過鏡,直至某日友人遞來一塊鏡,至驚覺自己已滿面鬍鬚,急忙拎起鬚刨,執番企理個樣。

利子厚熱愛運動,所以身形長期都咁瘦削。

Michael自攜十五公斤背包,喺斯里蘭卡首都科倫坡以北嘅郊區遠足,以日程十五公里行足十日,即係總共行咗一百五十公里,腳骨力認真驚人。事後佢發覺有部分行李係多餘嘅,例如衣物根本唔使帶咁多,可以喺途中洗完再着,仲話喺出發前,身邊唔少醫生朋友輪流送贈藥包畀佢以防萬一,結果塞滿一篋行李,笑言下次會帶少幾包。

佢話斯里蘭卡政府曾與游擊隊嘅內戰持續二十五年,當地一度成為禁地,難得依家能夠親身遊歷。行程中,佢仲見到回教寺同佛寺共存喺一個島內,體現到宗教嘅和諧咁話。

第一手消息請下載on.cc東方互動iPhone/iPad/Android/Windows Phone Apps