黑心羊該死

李衞揭露開香港官場嘅醜事，之但係中港關係愈來愈緊密，難免都要學吓貪湯咁，同內地打好關係。點知，有日返上去應酬，有領導宴請李衞，先至知有幾「黑」……

黑心羊該死

領導：嚟嚟嚟，起筷起筷！唔好見怪，呢啲都係家鄉菜！

李衞：多謝多謝！請問呢碟魚係咩名堂呢？

領導：呢碟魚好好意頭，叫「輻到三文魚」！

李衞：吓！er……其實小弟唔食魚o架！唔好意思！

領導：咁呀……飲杯啦，呢支酒係「輻水茅台」，貪湯都話正！

李衞：哎呀，我酒精敏感，唔飲得，唔好意思！

領導：咁即係唔畀面我！我發脾氣o架喇！

李衞：唔係！唔係！我試吓呢隻烤全羊啦！

領導：好，快啲同我食！

李衞：嗯嗯，好味好味！

領導：係呢？香港食唔到咁好味嘅老鼠肉啦！

李衞：OH MY GOD！嗰個唔係羊頭咩？

領導：同我國憲法一樣，裝飾嚟嘅啫！

李衞：＊＆（＠＆＃！

第一手消息請下載on.cc東方互動iPhone/iPad/Android/Windows Phone Apps