政壇：政商定格：吳永嘉慘被工展靚女放飛機
吳永嘉（右五）擔任廈門工展小姐選舉評判，慘被十幾個佳麗「放飛機」。（受訪者提供）
中華廠商聯合會喺福建廈門舉行工展小姐選舉，廠商會副會長吳永嘉（Jimmy）、吳清煥、楊志雄等擔任大會評判。Jimmy話，今次選舉最難忘係有十多位佳麗報咗名之後，以各式各樣嘅古怪理由「放飛機」，殺佢一個措手不及，好彩剩下佳麗都夠晒數，選舉終能如期進行。
吳永嘉（右五）擔任廈門工展小姐選舉評判，慘被十幾個佳麗「放飛機」。（受訪者提供）
選舉經過首輪篩選後共有四十位佳麗入圍，但到第二輪面試嘅時候，只係得番二十幾個，好多人「縮沙」臨時缺席。Jimmy慨嘆，冇諗到首次辦內地選美會就甩晒轆，不過，入圍佳麗唔少高質素，身高更幾乎全部都高過佢。
