政壇：政商定格：林煥光中環High Tea動作多
兩人坐低密斟，期間林煥光（左）講到指手畫腳。
行政會議召集人林煥光（WK）前日同會計師公會會長趙麗娟喺中環歷山大廈一間咖啡店密斟，期間WK不時指手畫腳，傾咗大約一個多小時後，WK先行離開並走入中環港鐵站，原來係趕住搭港鐵去金鐘立法會出席特首答問大會。三月底已卸任平機會主席嘅WK，同仍然係平等機會委員會成員嘅趙麗娟傾乜呢？
兩人坐低密斟，期間林煥光（左）講到指手畫腳。
WK話，同趙麗娟認識多年，之前又一齊出席活動，所以有時間就一齊飲杯嘢。被問及點評價周一嶽上任平機會主席後嘅表現，同前廉政專員湯顯明濫用公帑宴請同送禮畀內地官員，WK就唔願多講。講開平機會，政府尋日宣布委任十六名成員，其中十二人係再度獲委任，包括趙麗娟、立法會議員謝偉俊等人，至於衞生服務界議員李國麟同離島委任區議員周浩鼎等四人為平機會新成員。
