政壇：林健鋒發橫財與眾同樂
林健鋒（右）原本入馬場係捧林建康愛駒出賽，但就意外中咗三重彩。
行政立法雙料議員林健鋒（Jeffrey）近日紅光滿面，五一勞動節當日，佢入沙田馬場撐老友嘅愛駒出賽，無心插柳下投注，竟然中咗注三重彩，五萬八千多元彩金袋袋平安，認真和味！Jeffrey笑言今年係第一次中三重彩，於是即時請班老友食飯，與眾同樂。
林健鋒（右）原本入馬場係捧林建康愛駒出賽，但就意外中咗三重彩。
Jeffrey呢日入場係捧老友愛沙尼亞駐港名譽領事林建康夫婦匹愛駒「勇敢福星」，但可惜三甲不入，佢轉頭落注第八場盃賽碰碰運氣，眼見落住毛毛細雨，咁啱嗰場係泥地賽，於是揀選兩匹比較熱門嘅馬匹，再搭冷門「天賦傳奇」，博佢爆冷，冇諗過咁都會中，真係好彩。
