李慧琼

尋日「人見人愛」嘅議員「李慧琼子」特登帶咗隻膠鴨入立會見特首，佢話要借膠鴨進一步凝聚社會、發揮正能量咁話喎。等李衞同佢傾吓偈啦！

李慧琼

李衞：鴨仔可以點樣透過立法會「凝聚社會」呢？

琼子：沖涼鴨係港人嘅童年回憶，假如可以喺議事廳永久擺放，市民以後睇直播都見到隻鴨，推而廣之，社會氣氛咪可以好和諧囉！

李衞：其實只要你哋尊重民意，唔好每次投票都有議員「消失」，就足夠凝聚社會o架喇！

琼子：你咁講就錯喇！我哋無人消失，佢哋最多都係去咗沖涼啫！

李衞：沖涼？

琼子：依家立會成日拉布，某啲「激進派」議事仲句句講粗口添。同鴨仔沖吓涼，拎返啲童年回憶，先可以補充正能量呀！

李衞：你都拉得幾遠o架喎！其實琼子你應該都係「拉布」嘅人才呀！

琼子：梗係啦，為咗「膠鴨」可以喺議事廳永久擺放，我決定就算要「拉布」都在所不計，務求「成功爭取」！

李衞：你同膠鴨有樣嘢好似－－大家都膠嘅。

作者：李衞

第一手消息請下載on.cc東方互動iPhone/iPad/Android/Windows Phone Apps