政壇：政商定格：陳振彬向美女廚神偷師
陳振彬（中）同郭小瑜（左）都走入廚房，向美女廚神劉韻棋（右）偷師。
平時公務繁忙嘅港區全國人大代表Bunny陳振彬，一得閒就鍾意周圍捐窿捐罅搵好嘢食，最近佢獲老友仁濟醫院當年顧問Galon郭小瑜推介，去咗中環蘇豪區一間奪得米芝蓮一星美譽嘅高級餐廳試菜。餐廳主打創新法日菜，當晚由年輕「美女廚神」兼餐廳老闆Vicky劉韻棋親自炮製九道色香味俱全嘅佳餚，包括招牌菜鹿兒島牛柳配麵豉薯蓉、洋葱濃湯馬頭魚同法式鵝肝醬酥片等。
陳振彬（中）同郭小瑜（左）都走入廚房，向美女廚神劉韻棋（右）偷師。
洋葱濃湯馬頭魚
品嘗美食後，Bunny等人忍唔住要走入廚房向美女廚神偷師。Vicky話由細到大都好鍾意下廚，縱使讀大學時主修設計，畢業後開辦設計公司，仍不時煮番幾味。後來佢專程到泰國著名嘅藍帶廚藝學院Le Cordon Bleu進修，學成歸來後決定開設呢間餐廳。
