政壇：大會堂之父獲兩子送驚喜
陳弘毅（左）同陳弘志（右）獻上鮮花同模型祝賀爸爸陳達文（中）獲獎。
藝術發展局尋晚舉行藝術發展獎頒獎禮，有「大會堂之父」稱號嘅藝術發展局前主席陳達文獲頒終身成就獎。大會仲送咗個意外驚喜畀陳達文，就係安排佢兩個仔，即香港大學法律學院教授陳弘毅同任建築師嘅弟弟陳弘志現身，獻上鮮花同自家製作嘅大會堂高座模型，令佢好感動。
陳弘毅（左）同陳弘志（右）獻上鮮花同模型祝賀爸爸陳達文（中）獲獎。
陳弘毅致詞時盛讚爸爸為文化界奉獻一生，又憶述同爸爸於大會堂嘅點滴。佢話大會堂成立咗五十一年，係香港首個具規模嘅文娛中心，盛載咗唔少集體回憶，亦印證佢同弟弟嘅童年足迹。
