SUN搞作：Sun官場現形記：「機」不可失孖兄弟
香港官場近嚟醜聞多多，先有周一鑊不避嫌收禮物；貪曾愛將貪湯就被踢爆喺出任海關關長期間，竟然用緊急救援嘅交通工具逢迎內地高官，呢啲令香港蒙羞嘅行為，正義網民點會唔聲討呢？
網民︰貪湯，你為咗擦鞋以「公費遊機河」，可恥！
貪湯︰我用心良苦呀！為咗中港交流，我先至咁做……
網民︰交流？點信你呀？你真係當香港市民「膠」同「流」o架！
貪湯︰得罪領導，大家都唔好過……
網民︰大家好唔好過我哋唔知，但你破壞廉潔制度，就一定唔好過！（周一鑊咁啱行過）
網民︰貪湯，你睇吓，你另一位「好兄弟」嚟咗。
周一鑊︰又關我事？我無用「公費遊機河」喎……
貪湯︰係囉，話貪曾係我兄弟就明啫，佢又係咩兄弟呢？
網民︰一個用飛機擦鞋；一個就唔知醜收手機，仲唔係「機」不可失兩兄弟咩？
貪湯︰@#$%^&&**(!$^^
